✨Umida Kadyri✨

✅ Тўғри ёндашув: Болага ёшига мос вазифаларни мустақил бажариш имконини беринг. Қийналса, ишни унинг ўрнига қилиб бериш эмас, йўл-йўриқ кўрсатиш муҳим.

6-хато. Фарзанд учун ҳамма ишни қилиб бериш ❌ Салбий томони: Ҳаддан ташқари ёрдам бериш болага: «Мен ўзим уддалай олмайман», деган фикрни шакллантиради. Масъулият ҳиссини камайтиради. Мустақилликни ривожланиш кечикиши мумкин.

✅ Тўғри ёндашув: Боланинг кичик ютуқларини ҳам эътироф этинг. Бугун жуда ҳаракат қилибсан, сен билан фахрланаман, каби сўзлар уни руҳлантиради.

5-хато. Фақат хатосини кўриш, ютуғини эса эътиборсиз қолдириш ❌ Салбий томони: Агар ота-она доим фақат хатоларни кўрса, бола: Мен ҳеч қачон яхши эмасман, деб ўйлай бошлайди. Ўзига бўлган ишончини йўқотади. Яхши иш қилишга бўлган қизиқиши пасаяди.

✅ Тўғри ёндашув: Боланинг ҳиссини қабул қилинг. Масалан: Кўряпман, бу сени хафа қилди. Сенинг ҳисларинг мен учун муҳим. Бу гаплар болага ўзини қадрли ва тушунилган инсон сифатида ҳис қилишга ёрдам беради. Эсда тутинг: боланинг ҳар бир ҳисси унинг ички дунёси ҳақида маълумот беради. Уни инкор қилиш эмас, тушуниш муҳим.

4-хато. Фарзанднинг ҳис-туйғуларини инкор қилиш ❌ Салбий томони: Кўпинча катталар: «Йиғлама!» «Бунча нозик бўлма!» «Бу нарса учун ҳам хафа бўладими?» деб боланинг ҳис-туйғуларини рад этади. Натижада бола: ўз ҳисларини яширишни ўрганади; ўзини тушунилмагандай ҳис қилади; ҳиссиётларини эркин ифода қилишдан қўрқади; ўз қадрига бўлган ишончи пасайиши мумкин.